Os astrónomos clasificaron as estrelas no que eles denominan Espectros Estelares (*). Tradicionalmente establecéronse sete categorías a través de letras: OBAFGKM. Por exemplo, o noso Sol é do tipo “G“. O caso é que para lembrarse destas letras acuñáronse diversas frases (mnemónicos, na xerga técnica). A máis popular é: “Oh Be A Fine Girl (or Guy), Kiss Me!”, que traducido sería “Oh, sé boa moza (ou mozo), bícame!”

Polo que vexo en Internet, celebráronse concursos en aulas con resultados como este: “Oven Baked Apples From Grandma´s Kitchen. Mmmm”, que vén ser “Mazás asadas ao forno na cociña da avóa. Mmmm”.

O astrónomo do observatorio granadino Jesús Maíz Apellániz ten o seu mnemónico, divertido aínda que políticamente incorrecto: “Obesos Bebede Aceite Filtrado, Gañaredes Quilos Masivamente!”.

Contouno na entrevista que mantida recientemente co xornalista Angel Rodríguez Lozano e que podes oír no podcast: “A estraña historia da estrela Pimis 24.” . (Que non era unha, senón polo menos tres…)

Aproveito para dicir que Cienciaes.com, o sitio internet de Angel, ten moitas outras entrevistas moi interesantes (Antonio Mampaso, M. Lozano Leyva, María Beltrán...), dispoñibles tamén directamente a través de iTunes (gratis).

(*) Simplificando, cada estrela emite unha banda de luz de moitos cores, pero algúns deles son absorbidos, de tal xeito que a luz que nos chega pódese distinguir das outras estrelas.