Fai uns días tiven a oportunidade – casualidade- de asistir a estrea mundial do espectáculo de divulgación científica “Matarratos Darwin“, de Vicente de Souza (actor) e Xurxo Mariño (investigador).

Trátase dunha recopilación de anécdotas da viaxe arredor do mundo deste gran naturalista (refírome a Charles Darwin) no HMS Beagle, e tamén do excéntrico capitán Fitz Roy, ademáis doutros personaxes secundarios. O espectador vese transportado á época no que aconteceu a viaxe, sentindo mesmo as estreiteces do navío e o sentimento de liberdade de Darwin na Pampa arxentina.

Matarratos Darwin é unha mestura de obra teatral, show, divertimento, exposición de feitos… Se tes a posibilidade de velo non a perdas (fala canto antes co teu departamento de Bioloxía do instituto, visita a páxina web discurshow.com…, “móvete”). Pasarás unha hora e media de ledicia e sorrisos constantes, e sairás cuns grandes coñecementos deste naturalista que cambiou para sempre a Bioloxía e mesmo o pensamento da humanidade enteira.

Xa temos a primeira produción non extranseira (compartida co Planetario de Pamplona e o Museo de Ciencias de Castilla-La Mancha) do novo planetario dixital da Casa das Ciencias. Chámase “Evolución“. Nel verás como as estrelas primixenias chegaron a formar os átomos necesarios para a vida, poderás viaxar a galaxias distantes millóns de quilómetros, e tamén ver as islas Galápagos desde o HMS Beagle, o barco no que Darwin deu a volta ao mundo e a reviravolta á Bioloxía para sempre. Non cho perdas, é unha gozada.
Clicando eiquí poderás ver un video para ir abrendo apetito. Bo proveito!

Neste ano 2009 celebramos o 200 aniversario do nacemento de Charles Darwin, un home que revolocionou- e de que xeito- a Bioloxía.

A súa vida é tan curiosa que si nos poñemos a contar anécdotas estaríamos varias horas… pero contarei unha rápidamente. Cando voltou do seu viaxe dando a volta ao planeta, e tras poner orden dentro das xigantescas coleccións de minerais, animais, plantas e insectos que recollera, comenzou a pensar en casarse. Como era unha persoa moi ordenada decidíu escribir nun papel os motivos a favor e en contra para fundar familia… é dicir, as cualidades e defectos da súa parella. O máis simpático, por así decir, é que nunca rachou este papel, e consérvase co resto da súa inmensa biblioteca, para vergoña dos seus descendentes…. Ben, como científico, e como pai tamén, foi unha persoa admirable, asi que este pequeno desliz se lle perdoa, non?

O caso é que, como dicía, celebrando o 200 anos do seu nacemento e 150 anos da súa obra fundamental: “A orixe das especies...” (non cho recomendo, é tan importante como rollo patatero, si queres ler proba co diario do seu viaxe ao redor do mundo). Pero tamén podes visitar esta páxina web que te recomendo: